唔想用 D 設計咁例牌嘅機箱，咁就要留意 Geometric Future 嘅 Model 6 Cezanne 機箱，設計以時尚高貴風格、兩側與前端面板均採用深灰鋼化玻璃，帶來全景內部透影效果，讓機箱變成家居時尚擺設，右轉 90° 的垂直風道設計，大大提升散熱及擴充能力，定價 HK$650、玩味大足。

ASUS 推出 Prime AP201 MicroATX 細箱，以時尚簡約外觀、優良散熱作賣點，33 公升小巧機身、共設有 5.7 萬個方形金屬通氣網孔，可支援 360mm 水冷排、最多 6 顆 12cm 風扇、最長 33.8cm 顯示卡及 18cm ATX 電源，空間使用效率相當出色，備有黑、白雙色可供選擇，定價 HK$599、抵玩。

Thermaltake 推出全新 The Tower 500 Snow 機箱，Size 介乎 The Tower 100 與 900 之間可支援 ATX / E-ATX 主機板，外觀就像一台夾公仔機，具備 3 面鋼化玻璃全方位 Show Off 機箱內部，煙囪效應散熱設計將冷空氣由底部引入，廢熱由頂部排出令內部溫度控制在理想範圍，喜歡 Show Off 機箱內部嘅玩家就最啱啦，備有黑色、白色版本可供選擇。

XPG 與 ROG STRIX 合作推出二次元主題 XPG Spectrix D50 ROG 吹雪聯名記憶體，換上白色鋁合金散熱片、印上 ROG 雪武戰姬「吹雪」，融合電競文化、二次元文化，頂端具備三角形 ARGB 導光燈條支援 ASUS AURA Sync 燈效同步，果然係顏值即正義，喜歡二次元文化嘅玩家仲唔買爆。

收到由 Fractal Design 推出全新「Pop Air」Mid-Tower 機箱，以出色的散熱風流與優良儲存擴充性能作賣點，面板採用立體壓模 MESH 網面 + 六角幾何設計、4mm 全幅面鋼化玻璃側板，搭配 3 顆 12cm ARGB 散熱風扇，機仔細細最高可支援 3 個 3.5 吋 SSD、 4 個 2.5 吋 SSD，面板下方更有個磁吸蓋，除左可以用來安裝 5.25 吋裝置外，竟然收藏了 1 個櫃桶仔，啱晒人夫們收埋私己錢唔畀老婆知。